سڑک حادثہ میں تین ہلاک، چار زخمی

مظفر نگر میں ایک دردناک سڑک حادثہ پیش آیا، جس میں تین افراد کے ہلاک ہونے کی خبر ہے، جبکہ دو کی حالت تشویش ناک ہے۔

ریاست اترپردیش کے ضلع مظفر نگر میں آج ایک خوفناک سڑک حادثہ پیش آیا، اس حادثہ میں تین افراد کی موقع پر ہی المناک طور پر موت واقع ہوگئی، جبکہ چار افراد زخمی بتائے جارہے، جن میں سے دو کی حالت تشویشناک ہے، زخمیوں کو علاج کے لیے میرٹھ ریفر کردیا گیا ہے۔

دراصل، نگر کوتوالی کے علاقے مظفر نگر میں سہارنپور شاہراہ پر ٹرک اور کار میں ذبردست تصادم ہوا۔

حادثہ اتنا خوفناک تھا کہ تین افراد نے موقع پر ہی دم توڑ دیا، جبکہ حادثے میں چار افراد زخمی ہوگئے۔ جن میں سے دو کی حالت تشویشناک ہے۔

واضح رہے کہ ہلاک ہونے والوں میں ایک شوہر بیوی اور ان کے بیٹے شامل ہیں۔ جو مراد آباد سے چندی گڑھ جا رہے تھے۔

لوگوں کا کہنا ہے کہ جب ان کی کار مظفر نگر میں سہارنپور شاہراہ پر پہنچی تو اس نے سامنے سے آنے والے ایک ٹرک کو ٹکر ماری۔

اس واقعے کے بعد پولیس نے تمام زخمیوں کو بمشکل کار سے باہر نکالا اور علاج کے لیے ہسپتال داخل کرایا۔

جہاں ڈاکٹروں نے تین افراد کو مردہ قرار دے دیا۔ پولیس نے لاشوں کو پوسٹ مارٹم کے لیے بھیج دیا ہے۔

اسی دوران زخمی ہونے والے دیگر چار میں سے دو کی حالت دیکھ کر انہیں میرٹھ ریفر کردیا گیا۔

واضح رہے کہ ایس پی سٹی نے بھی اس بات کی تصدیق کی ہے کہ روہنا روڈ پر ایک حادثہ پیش آیا تھا جس میں تین افراد کی موت ہوگئی، اور دو کی حالت تشویش ناک جنہیں میرٹھ ریفر کردیا گیا ہے۔

پولیس کا کہنا ہے کہ ہلاک ہونے والے لواحقین کو اس بات کی اطلاع دیدی گئی ہے، اور پولیس مقدمہ درج کرکے مزید کارروائی کررہی ہے۔