رام مندر زمین خریدی میں بدعنوانی کرنے والوں کو جیل بھیجا جائے: عاپ

رام مندر ٹرسٹ کے عہدیداروں کے ذریعے 2 کروڑ کی اراضی 18 کروڑ 50 لاکھ روپے میں خریداری کے بدعنوانی معاملے میں عام آدمی پارٹی کے عہدیداروں اور کارکنان نے ضلع صدر گوتم بودھ نگر بھوپندرجادون کی سربراہی میں نوئیڈا کے سیکٹر 49 میں ہنومان مندر کے باہر مظاہرہ کیا۔

عام آدمی پارٹی کے ضلعی صدر بھوپیندر جادون نے کہا کہ 'مندر کی تعمیر کے لیے زمین بدعنوانی میں ملوث افراد جنہوں نے عوام کی دی گئی رقم کا غلط استعمال کیا، ان تمام کو جیل بھیجنا چاہیے۔

پارٹی کے ترجمان سنجیو نگم نے کہا کہ کچھ سماج دشمن عناصر نے پارٹی کے ریاستی انچارج اور ممبر پارلیمنٹ سنجے سنگھ کی دہلی کی رہائش گاہ پر حملہ کرنے کی کوشش کی اور نیم پلیٹ کو سیاہ کر دیا گیا تھا۔ یہ انتہائی بزدلانہ حرکت ہے۔

اس دوران ریاستی سکریٹری اشوک کمانڈو، ضلعی جنرل سکریٹری اور پارٹی کے ترجمان سنجیو نگم، نوئیڈا میٹرو پولیٹن کے صدر پرشانت راوت، دادری انچارج ہردیپ بھاٹی، خواتین سیل کی ضلعی صدر پریتی اپادھیائے، گریٹر نوئیڈا کی صدر کرن تیاگی، پنکج اوانا، وغیرہ شامل تھے۔