'قربانی کا جانور بے عیب ہونا ضروری'

عیدالاضحیٰ کے موقع پر مرادآباد کے نائب امام مفتی سید فہد علی نے مسلمانوں کو بے عیب اور صحت مند جانور کی قربانی دینے کی اپیل کی۔

ریاست اترپردیش میں مرادآباد کے نائب امام مفتی سید فہد علی نے میڈیا سے بات کرتے ہوئے بتایا کہ عیدالاضحی کے موقع پر مسلمان قربانی کےلیے جانور خریدنے میں مصروف ہیں۔

مفتی سید فہد علی نے بتایا کہ قربانی کا جانور خریدتے وقت کچھ خاص باتوں کا خیال رکھنا چاہئے۔ انہوں نے کہا کہ قربانی کےلیے بکرے کی عمر ایک سال ہونا ضروری ہے جبکہ بڑا جانور دو سال کا ہونا چاہئے۔

انہوں نے مزید بتایا کہ قربانی کا جانور ہر عیب سے پاک ہونا چاہئے۔ اگر کوئی جانور کا سنگھ ٹوٹا ہو، کان کٹا ہوا ہو، لنگڑا ہو، لاغر یا بیمار ہوتو ایسے جانور کی قربانی نہیں دی جاسکتی۔ قربانی کےلیے جانور کا بے عیب اور صحتمند ہونا ضروری ہے۔

ٰواضح رہے کہ یکم اگست کو بھارت میں عیدالاضحیٰ منائی جائے گی۔