ٹڈی دل نوئیڈا سے ہوتے ہوئے بلند شہر میں داخل

ریاست اترپردیش کے ضلع گوتم بدھ نگر میں ٹڈی دل آنے کی اطلاع پر ضلعی انتظامیہ الرٹ ہو گئی ہے، آج تحصیلدار صدر آلوک پرتاپ سنگھ نے کاشتکاروں کی فصلوں کو ٹڈیوں سے بچانے کے مقصد سے علاقہ کا دورہ کیا۔

ملک بھر میں کورونا وائرس کے قہر کے ساتھ ڈی دل نے بھی افراتفری کا ماحول پیدا کردیا ہے۔آج ٹڈی دل دنکور کو عبور کرتے ہوئے بلند شہر روانہ ہوگیا۔ اس سے فی الحال کاشت کاروں کے سر سے کچھ خطرہ ٹل گیا۔

یہ ٹڈی دل ہریانہ سے ہوتے ہوئے دہلی کے کچھ علاقوں سے گزر کر گریٹر نوئیڈا پہنچ گیا تھا، لیکن نقصان کئے بغیر یہ دل گوتم بدھ نگر سرحد سے بلند شہر کی جانب روانہ ہوگیا ہے۔

تحصیلدار نے اس سلسلے میں کاشتکاروں کو ضروری معلومات فراہم کی ہیں تاکہ آگے بھی وہ ٹڈی دل سے اپنی فصلوں کی حفاظت کرسکیں۔