اس وقت ملک میں لاک ڈاؤن کی وجہ سے نقل مکانی کا سلسلہ جاری ہے جس کی وجہ سے ریاست اترپردیش کے وزیر اعلی نے ریاست میں داخلے پر مکمل پابندی لگا دی ہے۔
باہری افراد کے آنے سے کورونا کا خطرہ بڑھا، انتظامیہ چوکس نقل مکانی اور کورونا وائرس کے پیش نظر انتظامیہ اور زیادہ مستعد ہوگیا ہے۔ اب پہلے کے مقابلے زیادہ سختی کی جا رہی ہے۔ اس کے علاوہ انتظامیہ نے اور بھی متعدد اقدامات کیے ہیں۔
بارہ بنکی میں باہری افراد کے آمد و رفت سے کورونا وائرس کے پھیلنے کے خدشات کے پیش نظر انتظامیہ چوکس ہو گیا ہے۔ پہلے کے مقابلے پولیس بھی اور سخت ہو گئی ہے۔
باہری افراد کے آنے سے کورونا کا خطرہ بڑھا، انتظامیہ چوکس منگل کو شہر کے تمام چوراہوں پر مزید تعداد میں پولیس کی ناکہ بندی رہی اور کسی کو بھی کہیں جانے نہیں دیا گیا۔ صرف جن افراد کو پاس جاری کیا گیا ہے انہیں کو آگے جانے دیا گیا۔
اس کے علاوہ سینیٹائزر کے چھڑکاؤ کا کام بڑے پیمانے پر شروع کیا گیا ہے۔ سڑک، ریلوے اسٹیشن اور تمام جگہوں کو فائر بریگیڈ کے جوان سینیٹائز کر رہے ہیں۔
ان تمام قواعد کے علاوہ ضلع انتظامیہ نے تمام بی ڈی اوز اور ای اوز کو احکامات جاری کیے ہیں کہ وہ اپنے علاقوں میں باہر سے آئے افراد کی نشاندہی کریں اور ان کی اسکریننگ کرائیں۔
اس کے علاوہ دیہی علاقوں کے تمام بیسک اسکولوں کو آئسولیشن سینٹر میں تبدیل کر دیا گیا ہے۔
