اجمیر شریف خواجہ معین الدین چشتی کی درگاہ سے خواجہ غریب نواز کے جانشین حضرت خواجہ سید صولت حسین چشتی اور حضرت خواجہ سید غیاث الدین چشتی مرادآباد میں تشریف لائے۔
اجمیر شریف سے مرادآباد پہنچے سید صولت حسین چشتی میڈیا سے بات چیت کرتے ہوئے سید صولت حسین چشتی نے کہا کہ صوفی سنت اور درگاہوں سے امن و امان کا پیغام دیا جاتا ہے درگاہوں پر ہر مذہب و ملت کے لوگ آتے ہیں۔
انہوں نے کہا کہ اجمیر شریف کی درگاہ پر کورونا وبا کے پیش نظر زائرین کا آنا بہت کم ہے کیونکہ ٹرینیں نہیں چل رہی ہیں۔ ملک کی حفاظت اور کورونا وبا سے نجات پانے کے لئے دعا کرتے ہوئے انہوں نے کہا کہ اس ملک سے کورونا وبا جلد سے جلد ختم ہو۔
اجمیر شریف سے مرادآباد پہنچے سید صولت حسین چشتی مرادآباد میں چل رہی روٹی بینک تنظیم کی تعریف کرتے ہوئے انہوں نے کہا کہ روٹی بینک تنظیم غریب اور بے سہارا لوگوں کو روٹی دینے کا بہتر کام کر رہی ہے اسی طرح اور تنظیموں کو بھی آگے آنا چاہیے روٹی بینک کا کام ایک بہتر کام ہے۔