علی گڑھ:حکومت ہند کے ماتحت چلنے والے پروگرام سوچھتا پکھواڑہ 2022 کی اختتامی تقریب اجمل خان طبیہ کالج کے آڈیٹوریم میں منعقد ہوئی جس میں مہمان خصوصی اور مہمان اعزازی نے طلباء و طالبات کو سرٹیفکیٹ اور انعمات تقسیم کر کے حوصلہ افزائی کی جنہوں نے صفائی کے مختلف موضوعات پر مقابلوں میں کامیابی حاصل کی۔ Swachhta Pakhwada in AMU
سوچھتا پکھوادہ کی اختتامی تقریب پروگرام کے نوڈل آفیسر پروفیسر ایس ایم صفدر اشرف شعبہ تحفوظی و سماجی طب نے پندرہ دن کے دوران ہونے والی مختلف سرگرمیوں کے حوالے سے رپورٹ پیش کی۔ صفائی کے مختلف موضوعات پر سلوگن مقابلہ، مضمون نویسی، اوپن ڈیبیٹ مقابلہ اور پوسٹر مقابلے میں کامیاب شرکاء میں انعامات تقسیم کئے گئے۔
ڈین فیکلٹی آف یونانی میڈیسن پروفیسر عبید اللہ خان نے اس موقع پر سوچھتا پکھواڈا کمیٹی کی سرگرمیوں کو سراہا۔ مہمان خصوصی ڈاکٹر نریندر کمار، (علاقائی آیوش آفیسر)، علی گڑھ ڈویژن نے دیسی نظام طب میں مشق کی ضرورت اور اہمیت پر زور دیا۔
تقریب کے مہمان خصوصی علی گڑھ شہر کے میئر جناب محمد فرقان نے علی گڑھ شہر کے مختلف مسائل پر بات کی اور لوگوں سے صفائی کے بنیادی اصولوں پر عمل کرنے کو کہا۔
حکومت ہند کے ماتحت چلنے والے پروگرام سوچھتا پکھوادہ 2022 کی اختتامی تقریب پروفیسر راکیش بھارگاوا (ڈین، فیکلٹی آف میڈیسن اور پرنسپل JNMC) نے تقریب کی صدارت کی اور COVID-19 کے دوران اپنائے گئے حفظان صحت کے طریقوں کے بارے میں اپنا مشاہدہ شیئر کیا جس نے بالواسطہ طور پر دیگر متعدد بیماریوں کے زوال کو متاثر کیا۔ پروگرام کے بعد آڈیٹوریم اور ملحقہ بیت الخلاء کے لیے معذوروں کے لیے ریمپ کا افتتاح بھی کیا گیا۔
یہ بھی پڑھیں:Aligarh Muslim University ٹیچرز یونین انتخابات سے متعلق خبروں پر اے ایم یو انتظامیہ کی وضاحت
کریمہ انیس، ڈاکٹر عائشہ پروین اور محمد ذیشان نے مختلف مقابلوں میں اول انعام حاصل کیا۔ بی یو ایم ایس کی طالبات کریمہ انیس، صائمہ نزہت اور فائزہ نور نے بالترتیب پہلا، دوسرا اور تیسرا انعام حاصل کیا۔ پوسٹ گریجویشن سیمینار کی صفائی کے حوالے سے مقابلے کا نتیجہ سیدلہ، علم العدویہ اور کلیات کے محکموں کے حق میں بالترتیب پہلے دوسرے اور تیسرے نمبر پر رہا۔ ان مقابلوں کے ججز کے فرائض ڈاکٹر ناز مصطفیٰ اور ڈاکٹر عطیہ انجم نے انجام دیئے۔ ڈاکٹر لولی سنگھ، ڈاکٹر محمد جنید اور محترمہ کریمہ انیس نے بہت اچھے طریقے سے پروگرام میں معاونت کی۔
حکومت ہند کے ماتحت چلنے والے پروگرام سوچھتا پکھوادہ 2022 کی اختتامی تقریب سوچھتا پکھواڑا کے مختلف پروگراموں اور معذوروں کے لیے ریمپ کی تعمیر کو سمنان امپیریل گلڈ نے اسپانسر کیا تھا اور انڈین انٹیگریٹڈ کمیونٹی ہیلتھ ایسوسی ایشن (IICHA) کی حمایت حاصل تھی۔ پروگرام کی نظامت ڈاکٹر عبدالعزیز خان نے کی اور شکریہ ڈاکٹر عطیہ انجم نے پیش کیا۔
