نئی دہلی: سپریم کورٹ نے پیر کو سماج وادی پارٹی کے لیڈر اعظم خان کے بیٹے عبداللہ اعظم خان کے 2017 میں 25 سال سے کم عمر کے ہونے کی وجہ سے اسمبلی کی رکنیت منسوخ کرنے کے خلاف دائر کی گئی اپیل کو خارج کر دیا۔ جسٹس اجے رستوگی اور جسٹس بی وی ناگرتھنا کی بنچ نے عبداللہ کی طرف سے الہ آباد ہائی کورٹ کے فیصلے کو چیلنج کرنے والی اپیل کو خارج کر دیا۔ Abdullah Azam Disqualification As MLA
عدالت عظمیٰ نے اپیل کو مسترد کرتے ہوئے کہا کہ 16 دسمبر 2019 کے ہائی کورٹ کے فیصلے میں کوئی واضح غلطی نہیں تھی، کیونکہ ہائی کورٹ نے ریکارڈ پر دستیاب تمام دستاویزی ثبوتوں اور زبانی شواہد کا جائزہ لیا تھا۔ Fake documents case on Abdullah Azam