عدالت عظمیٰ کے سابق جج ایف ایم آئی کلیفلا کی قیادت والی ثالثی کمیٹی نے چیف جسٹس رنجن گوگوئی کی صدارت والی پانچ رکنی آئینی بنچ کے سامنے جمعرات کو اپنی رپورٹ پیش کی۔ عدالت نے کمیٹی سے درخواست کی ہے کہ وہ ثالثی کا عمل 31 جولائی تک جاری رکھیں۔
ایودھیا تنازع: ثالثی کی میعاد میں 31 جولائی تک توسیع
سپریم کورٹ نے ایودھیا رام مندر۔ بابری مسجد زمین تنازع میں ثالثی کے عمل کی میعاد میں 31 جولائی تک اضافہ کردیا گیا ہے۔
فائل فوٹو
جسٹس گوگوئی نے کہا کہ 'ہم ثالثی کمیٹی سے یہ درخواست کرتے ہیں کہ وہ 31 جولائی تک ثالثی کا عمل جاری رکھیں اور اس کے نتائج کے بارے میں اعلی عدالت کو اطلاع دیں۔ چیف جسٹس نے ثالثی کے عمل کے جائزہ کے لئے 2 اگست کی تاریخ طے کی ہے'۔
جسٹس خلیف اللہ کمیٹی نے آئینی بنچ کے گزشتہ 11 جولائی کے حکم پر عمل کرتے ہوئے آج اپنی رپورٹ پیش کی تھی۔ عدالت کا گزشتہ ہفتہ یہ حکم گوپال سنگھ وشارد کی عرضی کی سماعت کے دوران آیاتھا۔ سنہ 1950 میں دائر رام جنم بھومی - بابری مسجد زمین تنازع کے اصل مدعی راجندر سنگھ تھے جن کے انتقال کے بعد مسٹر وشاردا یہ مقدمہ لڑرہے ہیں۔