ملک بھر میں چینی ملوں پر گنا کسانوں کا قرض

ملک بھر میں سب سے زیادہ بقایا اترپردیش کی چینی ملوں پر ہے۔

رواں مالی سال میں ملوں پر گنا کسانوں کا بقایا 18جون تک بڑھ کر تقریبا 19,000 کروڑ روپے ہو گیا تھا۔ اس میں سب سے زیادہ بقایا اترپردیش کی ملوں پر ہے۔ سرکاری اعداد و شمار کے مطابق اترپردیش کے چینی ملوں پر کسانوں کا بقایا 11,082 کروڑ روپے تک پہنچ گیا ہے۔

اس کے بعد کرناٹک میں 1,704 کروڑ روپے اور مہاراشٹرا میں 1,338 کروڑ روپے کا بقایا ہے، پنجاب میں گنا کسانوں کے ملوں پر 989 کروڑ روپے بقایا ہے، گجرات اور بہار میں 965 کروڑ روپے سے 923 روپے تک پہنچ گیا ہے۔

وزیر برائے امور صارفین رام ولاس پاسوان نے راجیہ سبھا میں ایک سوال کے جواب میں کہا کہ چینی ملوں کے ذریعہ کسانوں کو گنا کی قیمتوں کی ادائیگی ایک مسلسل عمل ہے۔

حالانکہ گزشتہ سیشن کے دوران چینی کی پیداوار میں اضافہ کے سبب اسکی قیمتوں میں تخفیف درج کی گئی تھی۔

اس طرح چینی ملوں میں نقد کی صورتحال پر منفی اثر مرتب ہوئے تھے۔