Muzaffarnagar District Hospital مظفرنگر ڈسٹرکٹ ہسپتال آوارہ کتوں کی آرام گاہ !

اترپردیش کے مظفر نگر ضلع اسپتال سے بڑی لاپرواہی دیکھنے کو مل رہی ہے۔ سوامی کلیان دیو ڈسٹرکٹ ہسپتال آوارہ کتوں کی آرام گاہ بنا ہوا ہے۔ Stray Dogs Moving Around patient in Muzaffarnagar District Hospital

مظفر نگر: مظفر نگر ضلع اسپتال کے تمام وارڈوں میں آوارہ کتوں کے گھومنے اور بیٹھنے کا ویڈیو سوشل میڈیا پر تیزی سے وائرل ہونے کے بعد مظفر نگر ضلع اسپتال کے سی ایم ایس راکیش کمار نے تمام ڈاکٹروں کے ساتھ فوراً اسپتال کے تمام وارڈوں کا معائنہ کیا۔ انہوں نے مریضوں کے ساتھ آنے والے تیماردارو کو سختی سے ہدایات دیتے ہوئے کہاکہ ڈسٹرکٹ ہسپتال کے احاطے میں کسی بھی کھلی جگہ پر کھانے پینے کی اشیاء نہیں کھائی جائیں گی اور نہ ہی وارڈ میں ایک سے زائد تیماردار مریض کے ساتھ ہوں گے۔' Stray Dogs Moving Around patient in Muzaffarnagar District Hospital
ضلع اسپتال میں کتے کے آرام کرنے کا ویڈیو سوشل میڈیا پر وائرل ہونے کے بعد معلومات دیتے ہوئے سی ایم ایس راکیش کمار نے بتایا کہ اسپتال میں آوارہ کتوں کے گھومنے کا ویڈیو وائرل ہوا ہے، جس کا نوٹس لیا لیا گیا ہے۔ اس کے ساتھ ہی سی ایم ایس راکیش کمار نے بتایا کہ آوارہ کتوں کو پکڑنے کے لیے ضلع اسپتال سے میونسپلٹی کو کئی بار خط لکھا گیا ہے، لیکن آج تک بلدیہ کی جانب سے آوارہ کتوں کو پکڑنے کے لیے ضلع اسپتال میں کوئی ٹیم نہیں بھیجی گئی ہے۔
ایک عملہ نے بتایا کہ ہسپتال میں آوارہ کتوں کے گھومنے کی ایک بڑی وجہ یہ ہے کہ ہسپتال میں داخل مریض سے ملنے آنے والے اٹینڈنٹ کھانے پینے کی اشیاء کو ڈسٹ بن میں نہیں ڈالتے اور کھلے میں ڈال دیتے ہیں۔ اس لیے مریض کے ساتھ آنے والے اٹینڈنٹ کو بھی آگاہ کیا جا رہا ہے کہ وہ گندگی نہ پھیلائیں، ساتھ ہی ہسپتال میں صفائی کے بینر بھی لگائے گئے ہیں، تاکہ ہسپتال آنے والے مریضوں اور تیماردارو کو آگاہ کیا جائے۔