پیٹ۔ پیٹ کر ایک شخص کا قتل

ریاست اترپردیش میں جونپور کے منگراباد شاہ پور علاقے میں باہمی تنازع میں ایک شخص کو لاٹھیوں سے پیٹ پیٹ کر ہلاک کردیا گیا۔

پولیس نے بتایا کہ گذشتہ بارہ اگست کو ناگ پنچمی کے دن فتوپور کلا گاوں میں مٹھائی لال بند کی گائے وجے بہادر سنگھ کے کھیت میں چلی گئی۔ اسی بات پر دونوں فریق میں تکرار ہوگئی تھی۔ اس دن اس واقعہ کی اطلاع تھانہ منگرا باد شاہ پور میں نہیں ملی تھی۔

انہوں نے بتایا کہ جمعہ کو رام چرتر مشرا کی دکان پر بند خاندان کے لڑکے موجود تھے۔ اسی راستے سے چندن سنگھ اور ردر سنگھ جارہے تھے۔بند کے لڑکوں کی چندن سنگھ اور ردر سنگھ میں بحث ہوگئی۔ بند کے لڑکے اپنے گھر اطلاع دے کر مزید لوگوں کو بلائے۔ اس کے بعد دونوں فریق میں مار پیٹ شروع ہوگئی۔

مارپیٹ کے دوران وجے بہادر چندن اور ردر زخمی ہوگئے۔ انہیں صدر ہسپتال لے جایا گیا لیکن وجے بہادر کی راستے میں ہی موت ہوگئی۔

پولیس نے بتایا کہ مگرا بادشاہ پور تھانے میں معاملہ درج کیا گیا ہے۔ملزم مٹھائی لال بند دلیپ بند دھرمیندر بند اور رام پرساد کو حراست میں لے لیا گیا ہے۔