ریاستی حکومت نے جب سے فلیٹ ریٹ پر بجلی دینے کی اسکیم کو ختم کیا، اسی وقت سے بنکر شدید پریشان تھے اور اپنی آواز بلند کرنے کے لئے سبھی ذرائع کا استعمال کیا، بنکروں کی جد و جہد رنگ لائی اور حکومت نے بنکروں کے مطالبات کو تسلیم کیا اور فلیٹ ریٹ پر بجلی فراہم کرنے کا وعدہ کیا۔
بنکروں کی اس جد و جہد کی آواز کو ای ٹی وی بھارت نے بلند کیا اور ہر محاذ پر مختلف پہلو سے اسٹوری کور کر بنکرز کے حالات کو حکومت اور عوام کے سامنے رکھا، جس کے نتیجے میں آج بنکرز کو بڑی کامیابی ملی ہے۔
حکومتی سطح پر یقینی دہانی کے بعد آج بنکرز خوشی کا اظہار کر رہے ہیں اور ای ٹی وی بھارت اردو کا خصوصی شکریہ ادا کیا۔
بنارس میں چودہوں کے سردار حاجی مقبول حسن کے ترجمان عشرت عثمانی نے ای ٹی وی بھارت سے خاص بات چیت میں کہا کہ ای ٹی وی بھارت اردو نے نہ صرف بنارس بلکہ ریاست کے مختلف اضلاع میں بنکروں کے مسائل کو پرزور طریقے سے بلند کیا ہے، جس کا اثر یہ ہوا کہ آج بنکروں کے مطالبات تسلیم کیے گئے اور ان کو فلیٹ ریٹ پر بجلی دینے کی یقین دہانی کرائی گئی ہے۔
انہوں نے کہا کہ اس دور میں جب میڈیا کی کارکردگی پر انگشت نمائی ہو رہی ہے اور میڈیا ایک زوال کے دور سے گزر رہا ہے اُس دور میں ای ٹی وی بھارت نے اپنے فریضے کو بخوبی انجام دیا ہے اور غریب مزدور بنکر کے حالات سے عوام اور حکومت کو روبرو کرایا جس سے واضح ہوتا ہے کہ ای ٹی وی بھارت غیر جانبدار طریقے سے اپنے فرائض بخوبی انجام دے رہا ہے اس کے لیے بنارس کے بنکرز کی جانب سے ای ٹی وی بھارت کا شکریہ ادا کرتے ہیں۔