بی جے پی کے خلاف سماج وادی پارٹی کا احتجاجی مظاہرہ

اتر پردیش کی یوگی حکومت کی مبینہ آمرانہ اور بے رحمانہ عوام مخالف پالیسیوں کے خلاف سماج وادی پارٹی کے کارکنان نے احتجاجی مظاہرہ کرتے ہوئے گوتم بدھ نگر کے کلکٹریٹ پر نعرہ بازی کی

پورے ضلع سے آئے کارکنان کی بڑی تعداد نے گورنر کے نام میمورنڈم دیا۔ سماجوادی پارٹی ضلعی صدر ویر سنگھ یادو نے کہا کہ 'موجودہ بی جے پی کی حکومت ناکام ہو چکی ہے۔ ناکامی کو چھپانے کے لیے ایس پی کارکنان پر ظلم ڈھا رہی ہے۔ غنڈوں کا بول بالا ہے۔ مقامی پولیس دانستہ طور پر سماج وادیوں کو نشانہ بنا رہی ہے۔ انہوں نے کہا کہ وہ اس صورتحال پر خاموش تماشائی نہیں رہیں گے بلکہ حکومت کے خلاف تحریک چلائیں گے' ۔