اعظم خان نے سیتاپور جیل میں عید کی نماز ادا کی

سماج وادی پارٹی کے رکن پارلیمنٹ اعظم خان اور ان کے بیٹے عبداللہ اعظم نے آج تقریباً دو سو قیدیوں کے ساتھ عید کی نماز ادا کی۔

سیتا پور جیل انتظامیہ نے رمضان کے دوران روزہ رکھنے والے قیدیوں کے لیے خصوصی انتظامات کئے تھے۔

جیل سپرنٹنڈنٹ ڈی سی مشرا نے ای ٹی وی بھارت کو بتایا کہ ’تہوار کے موقع پر سماجی فاصلہ برقرار رکھتے ہوئے اعظم خان کے علاوہ تمام مسلم قیدیوں نے عید کی نماز ادا کی۔ اس دوران کھانے کے بھی خصوصی انتظامات کئے گئے تھے جبکہ قیدیوں کو پوری۔ترکاری اور کھیر دی گئی۔

رامپور کے رکن پارلیمنٹ اعظم خان، ان کی اہلیہ اور ان کے فرزند کو عبداللہ کے پیدائشی سرٹیفیکٹ بنانے میں جعلسازی کے ایک مقدمہ ضمانت کی درخواست مسترد ہونے کے بعد گذشتہ فروری میں جیل بھیج دیا گیا تھا جبکہ انہوں نے عدالت کے سامنے خودسپردگی اختیار کرلی تھی۔

اعظم خان کے خلاف کل 86 مقدمہ درج ہیں جبکہ وہ محمدعلی جوہر یونیورسٹی کے وائس چانسلر بھی ہیں۔