بارہ بنکی : سونبھدر سانحہ کی برسی پر کانگریس کارکنان کا خراج عقیدت

ریاست اتر پردیش کے بارہ بنکی میں جمعہ کی شب کانگریس کارکنان نے ضلع سونبھدر کے اومبھا گاؤں میں زمین کے تحفظ کے لیے ہلاک ہوئے قبائلیوں کو خراج عقیدت پیش کیا۔

کانگریس کارکنان نے ڈاکٹر بھیم راؤ امبیڈکر کے مجسمے پر شمع روشن کر کے ہلاک ہوئے قبائلیوں کے لیے دو منٹ کا مون رکھا۔

واضح رہے کہ 17 جولائی 2019 کو ضلع سونبھدر کے اومبھا گاؤں زمین کے تحفظ کے لیے قبائلیوں کا انتظامیہ کے ساتھ تشدد ہوا تھا۔ اس میں متعدد قبائلی ہلاک ہوئے تھے۔ اس کے بعد کانگریس کی جنرل سکریٹری پرینکا گاندھی واڈرا نے وہاں جانے کی کوشش کی تھی، لیکن انہیں گرفتار کر لیا گیا تھا۔

کانگریس کارکنان نے جمعہ کو اس سانحہ کے ایک برس ہونے پر شہر کے چھایا چوراہے پر واقع ڈاکٹر امبیڈکر کے مجسمے پر شمع روشن کی اور دو منٹ کا مون رکھا۔ کانگریس کے ضلعی صدر محمد محسن نے ہلاک ہوئے قبائلیوں کو خراج عقیدت پیش کرتے ہوئے کہا کہ ہم ان کے اہلخانہ کے ساتھ ہیں۔ وہیں کانگریس کے ریاستی ترجمان تنج پنیا نے سونبھدر جا رہے ریاستی صدر اجے کمار للو کی گرفتاری کو لیکر حکومت پر نکتہ چینی کی۔