سونبھدر:دوکروڑ روپئے کی ہیروئن برآمد،تین اسمگلر گرفتار

اترپردیش کے ضلع سونبھدر کے چوپن علاقے سے پولیس نے گاڑی سوار تین اسمگلروں کو مڈھ بھیڑ میں گرفتار کر کے ان کے قبضے سے ایک کلو ہیروئن ضبط کی ہے۔ برآمد ہیروئن کی قیمت 2کروڑ روپئے بتائی جاتی ہے۔

سپرنٹنڈنٹ آف پولیس آشیش سریواستو نے آج یہاں بتایا کہ گذشتہ کئی دنوں سےمنشیات کی اسمگلنگ کی اطلاعات موصول ہورہی تھیں۔اسی بنیاد پر ان کی گرفتاری کے لئے سوات،ایس او جی اور سرویلانس ٹیم کو ہدایت دی گئی تھی۔

اس ضمن میں جمعرات کی شام اطلاع ملی کی مرز اپور سے بولیرو گاڑی سوار اسمگلر ہیروئن لے کر آنے والے ہیں۔مسٹر شریواستو نے بتایا کہ اس اطلاع پر پولیس نے نیشنل ہائی وے۔5 پر بھگنالا کے نزدیک گھیرا بندی کر کے بولیرو سوار اسمگلروں کو گرفتار کرلیا۔

گاڑی کی تلاشی کے دوران پلاسٹک ڈبے چھپا کر رکھی گئی ایک کلو ہیروئن ملی ہے۔ گرفتارملزمین میں وجے پٹیل،مشتاق اور مشری لال پرجا پتی شامل ہیں۔ملزمین کو جیل بھیج دیا گیا ہے۔