بیٹے کے ہاتھوں ماں کا قتل

اترپردیش میں مہاراج گنج کے نوتنواں قصبے میں سسرال جانے کے لیے پیسہ دینے سے انکار کرنے پر ملزم بیٹے نے اپنی بزرگ ماں کا پیٹ پیٹ کر قتل کر دیا۔

پولیس نے بتایا کہ قصبے کے گوتم بدھ نگر وارڈ نمبر 14 کے رادھے شیام شرما نے اپنی ماں ناردا دیوی (65) کو مار پیٹ کرشدید طور پر زخمی کر دیا۔ زخمی حالت میں بزرگ کو اسپتال لے جایا گیا جہاں علاج کے دوران ان کی موت ہو گئی۔

انہوں بتایا کہ نشے کا عادی رادھے شیام نے اپنی ماں کو چھ ہزار روپے رکھنے کے لئے دیے تھے۔ملزم بیٹا منگل کی شام گھر پر آیا اور ماں سے روپیہ مانگنے لگا۔ وہ سسرال جانے کی بات کر رہا تھا۔ اس کی ماں نے جب رقم دینے سے انکار کر دیا تو غصہ میں اس نے لاٹھی سے ماں کوپیٹنا شروع کردیا جس سے وہ شدید طور پر زخمی ہوگئیں۔گھروالوں نے بزرگ کو اسپتال میں داخل کرایا جہاں انہوں نے دم توڑ دیا۔
پولیس ملزم بیٹے سے پوچھ گچھ کررہی ہے۔