بنارس: مسلم علاقوں میں لاٹھی کے ساتھ تعینات یہ لوگ

ریاست اتر پردیش کے ضلع بنارس کے بیشتر مسلم علاقوں میں سماجی کارکنان عوام کو لاک ڈاؤن پر عمل کرانے کے لیے پیہم کوشش کر رہے ہیں۔

کورونا وائرس جیسی مہلک اور خطرناک وبا سے بچنے کے لیے نوجوان بزرگ و سماجی کارکنان مسلم علاقوں میں لوگوں کو لاک ڈاؤن پر عمل کرانے ہیں میں شب و روز مصروف ہیں اور عوام کی ذہن سازی کر کرنا وائرس کے بارے میں آگاہ کر رہے ہیں۔

ای ٹی وی بھارت سے بات کرتے ہوئے سماجی کارکن جلال الدین نے بتایا کہ لاک ڈاؤن کی ابتدا میں مسلم علاقوں میں بیشتر افراد گھروں سے باہر نکل کر اشیائے ضروری کی خرید کے لیے باہر نکلنے پر مجبور تھے لیکن وبأ کے تئیں جیسے جیسے حالات قابو سے باہر ہو رہے ہیں اب مسلم علاقوں میں بھی عوام گھروں سے باہر نکلنے سے گریز کر رہی ہے۔

انہوں نے کہا کہ جو لوگ باہر نکلتے بھی ہیں انھیں سمجھا کرکے واپس بھیج دیا جاتا ہے اور شہر کے مختلف علاقوں میں چیک پوائنٹس بنائے گئے ہیں جہاں سماجی کارکنان بذات خود رضا کارانہ طور پر اس کام میں مصروف ہیں۔

واضح رہے کہ اترپردیش میں کورونا وائرس سے اب تک 116 افراد متاثر ہوئے ہیں جبکہ دو افراد اس بیماری کی وجہ سے ہلاک بھی ہوئے ہیں۔