Social Justice Foundation سماج کے کمزور اور غریب طلباء کے لیے کوچنگ سینٹر کا قیام

میرٹھ میں آج سماجی تنظیم سوشل جسٹس فاؤنڈیشن کے زیر اہتمام ایک کوچنگ سینٹر کا افتتاح عمل آیا. جس کا مقصد سماج کے کمزور غریب طلباء کو مقابلہ ذاتی امتحانات کے لیے نہ صرف تیار کرنا ہے بلکہ ان کو معیاری تعلیم سے بھی آراستہ کرانا ہے.

میرٹھ:ریاست اترپردیش کے ضلع میرٹھ میں واقع سماجی تنظیم سوشل جسٹس فاؤنڈیشن کے اراکین نے قوم کے بچوں کے لیے کوچنگ سینٹر کا افتتاح کیا۔ تمام بچوں کو تنظیم کی جانب سے نہ صرف مفت تعلیم دلانے بلکہ ان کو اعلٰی تعلیم کے ساتھ بہتر کوچنگ کی بھی سہولت فراہم کرائی جا رہی ہے. اسی مقصد کے تحت میرٹھ میں ایس جے ایف. انسٹیٹیوٹ کا قیام عمل میں لایا گیا جس میں ماہرین کی مدد سے ان تمام بچوں کے لیے کیریر گائڈینس کے علاوہ مقابلہ ذاتی امتحانات میں بہتر نتائج دلانے کی کوشش کی جائے گی۔

تنظیم کے اراکین کا کہنا ہے کہ سماج میں فضول اخراجات پر روک لگانے کے ساتھ اگر اس کی رقم کو غریب بچوں کی تعلیم پر خرچ کی جائے تو اس سے نہ صرف ہمارے بچوں کے مستقبل کو سنوارا جا سکتا ہے بلکہ آنے والی نسلوں کے لیے راہ ہموار کریں گی۔

انہوں نے کہاکہ میرٹھ میں جس طرح سے سماجی تنظیم سوشل جسٹس فاؤنڈیشن کی طرف سے طلباء کے مستقبل کو بہتر بنانے کے لیے اقدامات اٹھائے جا رہے ہیں۔ اس سے نہ صرف سماج میں ایسے لوگوں کے بچے بھی تعلیم حاصل کریں سکیں گے جن کے والدین اپنے بچوں کو اعلیٰ تعلیم یافتہ بنانے کا تصور بھی نہیں کرتے تھے. ضرورت ہے سماج میں دوسری تنظیموں کے لوگوں کو بھی آگے آنے کی تاکہ طلباء کے مستقبل کو روشن کیا جائے۔