علی گڑھ میں چھ اور کورونا وائرس سے متاثرین کے معاملے آئے

ریاست اترپردیش کے ضلع علی گڑھ میں دن بہ دن کورونا وائرس متاثرین کی تعداد میں اضافہ ہو رہا ہے۔ گزشتہ روز ایک خاتون کی موت کے بعد آج چھ اور مثبت کے ساتھ کل تعداد 37 ہو گئی ہے۔

ضلع علی گڑھ میں بھی کورونا وائرس کا قہر دکھنے لگا ہے۔ کورونا وائرس سے متاثرین کی تعداد 50 ہو گئی ہے، جس میں دو کی موت ہوچکی ہے، 11 صحت یاب ہو کر اسپتال سے ڈسچارج ہو چکے اور موجودہ وقت میں 37 ایکٹیو متاثرین کا علاج اسپتال میں چل رہا ہے۔

گزشتہ روز ایک خاتون کی موت کے بعد آج چھ اور کورونا وائرس سے متاثرین ملے۔ جس میں ایک سول لائن کے علاقے بھمولا اور پانچ شہر کے علاقے سرائے حکیم کے ہیں۔

علی گڑھ ڈی ایم چند بھوشن سنگھ نے بتایا کہ متاثرین کے رہائش سے ایک کلومیٹر کا علاقہ سیل کردیا گیا ہے اور نگر نگم علاقے کو سیناٹائز کر رہا ہے۔

ایک بار پھر ڈی ایم نے اپیل کرتے ہوئے کہا ہے کہ لاک ڈاؤن کا پوری طریقے سے نفاذ کریں معاشرتی فاصلہ بنا کر اپنے گھروں میں ہی رہیں۔ اگر آپ کے علاقے میں کوئی بھی متاثر ہے تو فوراً علیگڑھ انتظامیہ یا کنٹرول روم کو اطلاع دیں۔