Sardar Patel Park in Lucknow سردار پٹیل پارک کا سائن بورڈ پر اردو میں

لکھنؤ ڈیولپمنٹ اتھارٹی کی جانب سے لکھنؤ میں واقع سردار پٹیل پارک کے سائن بورڈ پر پار کا نام 'اردو' رسم الخط میں لکھا گیا ہے۔ Lucknow Development Authority injustice to Urdu

لکھنؤ :لکھنؤ ڈیولپمنٹ اتھارٹی کی جانب سے متعدد پارک، چوراہوں یا سرکاری عمارتوں کے باہر لگائے گئے سائن بورڈ پر اردو رسم الخط کم ہی نظر آتا ہے، تاہم اردو سائن بورڈ کے حوالے سے کام کرنے والی تنظیم ڈاکٹر اے پی جی عبدالکلام فاؤنڈیشن کے سربراہ عبدالنصیر ناصر نے لکھنؤ کے کئی پارک اور عمارتوں کے باہر لگے سائن بورڈ پر اردو رسم الخط میں نام لکھوایا ہے۔ Injustice to Urdu in Lucknow

حالیہ تازہ معاملہ لکھنؤ کے جی پی او پر واقع سردار پٹیل پارک کے بورڈ پر اردو رسم الخط ندارد تھا، تاہم عبدالنصیر ناصر کی کاوشوں کی وجہ سے لکھنؤ ڈیولپمنٹ اتھارٹی نے پرانے بورڈ کو ہٹاکر سردار پٹیل پارک کے گیٹ پر دوسرا سائن بورڈ لگایا ہے جس میں سردار پٹیل پارک کا نام اردو میں لکھا گیا ہے۔ وہیں شہید اسمارک پارک کے بورڈ پر پارک کے نام میں املے کی غلطی تھی جسے عبدالنصیر ناصر نے لکھنو ڈیولپمنٹ اتھارٹی سے رابطہ کرکے درست کروایا۔

اس حوالے سے ای ٹی وی بھارت سے بات کرتے ہوئے عبدالنصیر ناصر نے کہا کہ 'شہر میں ایک معاملہ نہیں ہے، بلکہ متعدد ایسے معاملات ہیں جہاں پر اردو رسم الخط یا تو غلط لکھا ہوا ہے یا غائب ہے۔ انہوں نے کہا کہ میری کوشش نہ صرف سرکاری دفاتر اور عمارتوں کے باہر لگے بورڈ پر اردو رسم الخط میں نام لکھوانا ہے بلکہ شہر کے تمام لوگوں سے میری گزارش ہے کہ وہ اپنے دکان اور مکان کے باہر اردو رسم الخط میں نام لکھوائیں۔ Lucknow Development Authority injustice to Urdu

انہوں نے کہا کہ لکھنؤ 'دبستان اردو ادب' کے لیے جانا جاتا ہے، لکھنؤ میں متعدد شعراء اور ادبا پیدا ہوئے ہیں لیکن موجودہ المیہ یہ ہے کہ سائن بورڈ پر اردو رسم الخط میں نام نہیں لکھے جاتے ہیں۔ ہم نہ صرف محبان اردو سے بلکہ شہر کے سبھی لوگوں سے اپیل کرتے ہیں کہ وہ اپنے وزٹنگ کارڈ بورڈ، دکانوں کے باہر لگے سائن بورڈ پر اردو میں نام لکھوائیں تاکہ اردو کی دابارہ سے فروغ ہوسکے۔