کانگریس رہنما و راجیہ سبھا رکن سنجے سنگھ مستعفیٰ

راجیہ سبھا کے رکن سنجے سنگھ نے آج ایوان اور اپنی پارٹی کانگریس سے استعفی دے دیا۔

راجیہ سبھا میں ڈپٹی چیئرمین ہری ونش نے بتایا کہ چیئرمین ایم وینکیا نائیڈو نے سنگھ کا استعفی منظور کر لیا ہے۔ سنگھ نے آج ہی ایوان کی رکنیت سے اپنا استعفی چیئرمین کو سونپا تھا۔

سنجے سنگھ نے صحافیوں سے کہا کہ 'انہوں نے کانگریس کی رکنیت سے بھی استعفی دے دیا ہے اور وہ بدھ کو بھارتیہ جنتا پارٹی میں شامل ہوں گے اور یہ فیصلہ انہوں نے سوچ سمجھ کر کیا ہے۔'

سنجے سنگھ کا اترپردیش کانگریس کے اہم رہنماؤں میں شمار ہوتا ہے۔ وہ سلطان پور لوک سبھا حلقے سے انتخاب لڑے تھے اور انہیں بی جے پی کی رہنما مینکا گاندھی سے شکست کا سامنا کرنا پڑا۔ سنجے سنگھ 2014 سے راجیہ سبھا کے رکن تھے۔