ورلڈ آرگنائزیشن ریلجنز اینڈ نالج نامی ادارے کی جانب سے یہ کہا گیا ہے قرآن اور وید کی بہت سی اخلاقی تعلیمات یکساں ہیں۔
اس نمائش کے منتظم محفوظ عالم نے کہا کہ اسلام اور ہندو مذہب دونوں میں انسانیت کا پیغام ہے۔
انہوں نے مزید کہا کہ قرآن اور وید میں انسانوں سے محبت اور وفاداری کی تعلیم دی گئی ہے۔
اس نمائش میں مختلف مذاہب کے لوگوں نے شرکت کی اور ایک دوسرے کے مذہب سے متعلق معلومات حاصل کی۔
محفوظ عالم کا کہنا ہے کہ اس نمائش کا مقصد قرآن اور ویدوں کی تعلیم میں یکسانیت دکھانا ہے۔ اس نمائش میں لگائے گئے پوسٹرز پر لکھے پیغامات کو لوگوں نے بہت پسند کیا۔
واضح رہے کہ ورلڈ آرگنائزیشن ریلجنز اینڈنالج کی جانب سے ہر برس اس طرح کی نمائش کا اہتمام کیا جاتا ہے، جو گذشتہ 35 برس سے جاری ہے۔
