رام پور: بلدیاتی انتخابات کی الٹی گنتی شروع ہوگئی ہے۔ تمام سیاسی جماعتوں کے بڑے رہنما اپنی پارٹی کے امیدواروں کی حمایت میں جلسے کر رہے ہیں۔ اسی سلسلے میں سماج وادی پارٹی کے قومی جنرل سکریٹری محمد اعظم خان نے پارٹی امیدوار کی حمایت میں جمعہ کو ایک جلسہ عام سے خطاب کیا۔ اس دوران سابق رکن اسمبلی اسٹیج سے گرجتے ہوئے نظر آئے۔ انہوں نے اپنے سیاسی مخالفین اور حکمرانوں پر جم کر تنقید کی۔ اس کے ساتھ ہی اعظم خان کو رام پور کے ضمنی انتخاب پر شدید ردعمل دیتے ہوئے دیکھا گیا۔ انہوں نے اسپنے سیاسی مخالفین کو سیاسی نامرد اور سیاسی خواجہ سرا قرار دیا۔
رام پور کے علاقے چاہ خاجن خان میں ایک جلسہ عام سے خطاب کرتے ہوئے اعظم خان نے کہا، 'آپ کو شکایت ہے اور وہ شکایت مرتے دم تک رہے گی۔ میں نے کہا تھا کہ پولیس کی لاٹھی اور پولیس کی گالی، یہ پولیس کا کام ہے۔ اگر ہمارے آباؤ اجداد پولیس کی زیادتیوں سے ڈرتے، پولیس کی لاٹھیوں سے ڈرتے تو کیا ہندوستان آزاد ہوتا؟ پارلیمنٹ اور اسمبلی کی رکنیت ختم ہوئی ہوجائے، مگر یہ یاد رہے اقتدار کی کنجی آپ کی مٹھی میں ہے، یہی وجہ تھی کہ جس بٹن پر انگلی لگائی گئی، رام پور کے لوگوں کے لیے اس والٹ کا تالا کھل گیا۔