موصولہ اطلاع کے مطابق تھانہ منڈی پولیس کو اس وقت بڑی کامیابی حاصل ہوئی، جب پولیس نے نقلی دواوں اور کاسمیٹکس تیار کرنے کے الزام میں تین افراد کو گرفتار کیا۔
گرفتار کئے گئے افراد گزشتہ کافی وقت سے اس کاروبار میں ملوث تھے۔ تھانہ منڈی پولیس نے طاہر گارڈن کے پاس سے ان کو گرفتار کیا ہے۔
مخبر کی اطلاع پر پولیس نے انہیں گرفتار کیا ہے، جن لوگوں کو گرفتار کیا گیا ہے ان کے نام رمن ٹھاکر ولد لکشمی ٹھاکر تھانہ اعظم نگر ضلع کٹہیار بہار، نفیس عرف مونو اور محمد ارسلان ولد محمد حنیف ساکن آتش بازار تھانہ کوتوالی منڈی سہارنپور بتائے جارہے ہیں۔
ان کے پاس سے پولیس نے مشہور کمپنی کی دوائیاں اور کاسمیٹکس برآمد کیا ہے۔
اس سلسلے میں ایس پی سٹی ونت بھٹناگر نے بتایا کہ تین شاطر افراد کو تھانہ منڈی پولیس کے ذریعہ گرفتار کیا گیا ہے، یہ افراد گزشتہ کافی وقت سے نقلی دوائیاں اور کاسمیٹکس کی فلنگ اور پیکنگ کا کام کیا کرتے تھے اوریہ سبھی شاطر قسم کے مجرم ہیں جن کے ماضی کے بارے میں معلومات کی جارہی ہے۔
انہوں نے بتایا کہ یہ لوگ ایک مشہور کمپنی کے نام سے نقلی دوائیاں تیار کررہے تھے اور دیگر ریاستوں میں اس کی سپلائی کیا کرتے تھے۔
انہوں نے بتایاکہ ان لوگوں کے تار کہاں۔ کہاں جڑے ہوئے ہیں۔ پولیس ان کو بھی تلاش کرنے میں لگی ہوئی ہے، گرفتار کرنے والی پولیس ٹیم کو انعام دینے کا اعلان ایس پی سٹی نے کیا۔
