برہمن سماج نے رکن اسمبلی پر الزام عائد کرتے ہوئے کہا کہ انہوں نے برہمن سماج کے خلاف قابل اعتراض تبصرہ کرکے ان کے جذبات کو ٹھیس پہنچائی ہے۔
تفصیلات کے مطابق حقیقت نگر میں برہمن سماج کے لوگ اکٹھا ہوئے اور کھتولی کے بی جے پی رکن اسمبلی وکرم سینی کے خلاف زبردست مظاہرہ کیا۔
مظاہرین نے کہا کہ وکرم سینی نے برہمن سماج کے تعلق سے نازیبا الفاظ کا استعمال کیا ہے اسی لیے ایسے ایم ایل اے کو پارٹی سے برطرف کر دیا جانا چاہیے۔
واضح رہے کہ گزشتہ روز رکن اسمبلی وکرم سینی نے برہمن سماج کے خلاف قابل اعتراض تبصرہ کیا تھا جس کے بعد برہمن سماج ناراض ہے۔ ان کامطالبہ ہے کہ اگر بی جے پی نے وکرم سینی کو پارٹی سے نہیں نکالا تو 2022 کے اسمبلی انتخاب میں وہ کھتولی پہنچ کر ان کی پارٹی کے خلاف کام کریں گے