صبا فرحت کی شادی 29 برس قبل اترپردیش کے ضلع میرٹھ کے رہنے والے ایک شخص فرحت مسعود سے ہوئی تھی۔ شادی کے بعد صبا اپنا ملک چھوڑ کر بھارت میں تو بس گئیں لیکن بھارت کے شہری نہ بن سکیں۔
انتیس برس قبل ہوئی تھی صبا کی شادی شہریت حاصل کرنے کے لیے تمام ضروری کاروائی اور شرائط پوری کرنے کے باوجود بھی صبا کی فائل ضلع انتظامیہ کے دفاتر کے چکروں میں الجھ کر رہ گئی ہے۔
صبا کے مطابق گزشتہ 29 برسوں سے وہ وزٹ ویزا پر بھارت میں رہ رہی ہیں جس کی وجہ سے وہ ایک عام بھارتی شہری کی طرح زندگی نہیں گزار پاتی ہیں۔
صبا کا تعلق پاکستان کے شہر لاہور سے ہے پاکستان کے لاہور سے تعلق رکھنے والی صبا فرحت کو تمام تر کوششوں کے باوجود بھی اب تک بھارتی شہریت حاصل نہیں ہوئی۔
فرحت بتاتی ہیں کہ 29 برس کا طویل عرصہ انہوں نے پابندیوں میں گزارا ہے، مزید یہ کہ پاکستانی شہریوں پر پابندی ہونے کی وجہ سے وہ میرٹھ سے باہر نہیں جاسکتی۔ اس کے علاوہ پاکستان جانے کے لیے بھی ویزا حاصل کرنے میں انھیں مشکلات پیش آتی ہیں۔
صبا فرحت اپنے شوہر بچوں کے ساتھ میرٹھ میں مقیم ہیں صبا بھارت کی بہو تو بن گئی لیکن بھارت کی شہری نہ بن سکیں اپنے اس درد کو بیان کرتے ہوئے صبا کی آنکھیں بھر آتی ہیں۔ دوسرے پاکستانی شہریوں کو بھارتی شہریت ملنے کے بعد صبا اب خود کے لیے پر امید تو ہیں لیکن ضلع سطح پر سرکاری دفاتر کی سست روی اور افسران کے رویے سے مایوس بھی ہیں۔
برسوں سے دفاتر کا چکر لگانے والی صبا فرحت بھارتی شہریت حاصل کرنے کے لیے صبا فرحت کی تمام کوششیں سرکاری دفاتر کی دہلیز پر آ کر دم توڑ دیتی ہیں لیکن شہریت حاصل کرنے کی صبا کی کوششیں آج بھی جاری ہیں اور صبا کو امید ہے کہ ایک دن ان کی یہ کوشش ضرور کامیاب ہوگی
واضح رہے کہ اس سے قبل بلند شہر میں رہنے والی پاکستانی شہری فاخرہ نورین کو بھارتی کی شہریت حاصل دی گئی تھی جس کے تصدیق خود شہر کے ایس پی نے کی تھی۔
