'سب کا ساتھ، سب کا وکاس' بی جے پی کی جیت کو یقینی بنائے گی

ضلع بارہ بنکی کے زیدپور اسمبلی حلقے میں ہونےوالے ضمنی انتخابات میں بی جے پی کے انتخابی انچارج ریاستی نائب صدر گووند نارائن نے کہا کہ وزیراعظم نریندر مودی اور وزیراعلی یوگی آدتیہ ناتھ کے ترقیاتی پروگرامز اور 'سب کا ساتھ سب کا وکاس' کی پالیسی ہی بی جے پی کو کامیابی سے ہمکنار کرائے گی۔

بارہ بنکی میں بی جے پی کے دفتر پر ای ٹی وی بھارت سے بات کرتے ہوئے گووند نارائن پانڈے نے کہا کہ ہم نے ضمنی انتخابات کو بھی اہم ترین انتخابات سمجھ کر لڑ رہے ہیں۔

انہوں نے کہا کہ پارٹی کی خاص منصوبہ بندی کے تحت ہی ہمارے کارکنان ایک ایک بوتھ تک پہنچے ہیں۔ مرکز اور ریاست کی سب کا ساتھ سب کا وکاس کی پالیسی سے پارٹی کو ضمنی انتخابات میں ہر طبقے کی حمایت حاصل ہورہی ہے۔

انہوں نے مزید کہا کہ سب کا ساتھ وکاس کی پالیسی سے ہی زید پور اسمبلی حلقے میں بی جے پی امیدواروں کو بڑی فتح ہونے والی ہے۔