پیٹرول پمپ سے 50 ہزار روپے کی لوٹ

اترپردیش میں بلند شہر کے گلاوٹی علاقے میں کار میں سوار بدمعاش پیٹرول پمپ سے بندوق کے زور پر تقریباً 50 ہزار روپے کی نقدی لوٹ کر فرار ہوگئے۔

پولیس ذرائع نے اتوار کو یہاں یہ اطلاع دی۔ انہوں نے بتایا کہ سنیچر کی رات تقریباً ساڑھے دس بجے گلاوٹی -ہاپوڑ شاہراہ پر کار میں سوار کچھ بدمعاش شیوانگ پیٹرول پمپ پر گئے اور پیٹرول بھروایا۔

سلیز مین راج بیر نےجب ان سے پیسہ مانگے تو انہوں نے پیسے دینے کے بجائے بندوق کے زور پر اس سے تقریباً 50 ہزار روپے لوٹ لئے اور فرار ہوگئے۔

انہوں نے بتایا کہ اس سلسلہ میں معاملہ درج کرلیا گیا ہے۔ پولیس لٹیروں کی تلاش کررہی ہے۔