روڈ سیفٹی مہم پر سیمینار

اترپردیش کے دارلحکومت لکھنؤ میں آج منشی نول کشور سمارک سمیتی کے زیراہتمام قیصر باغ میں روڈ سیفٹی مہم پر سیمینار منعقد کیا گیا۔

ریاست میں ہر روز تقریباً 1400 روڈ ایکسیڈنٹ ہوتے ہیں، جس میں سینکڑوں کی تعداد میں لوگوں کی جان جاتی ہے۔ اگر تھوڑی سی سمجھداری دکھائی جائے، تو اسے باآسانی سے روکا جا سکتا ہے۔

ڈاکٹر وکرم سنگھ سیکریٹری اسٹیٹ ٹرانسپورٹ اتھارٹی بطور مہمان خصوصی تھے، انہوں نے ای ٹی وی بھارت سے بات چیت کے دوران کہا کہ روڈ اکسیڈنٹ سے بچنے کے لئے لوگوں میں بیداری کا ہونا ضروری ہے۔

انہوں نے کہا کہ ہمیں ان خطروں کے لیے بیدار ہونے کی ضرورت ہے، جن سے سے عام طور پر زیادہ روڈ ایکسیڈنٹ ہوتے ہیں۔

سیمینارز کی صدارت کر رہے ہے سماجی کارکن ڈاکٹر عمار نگرامی نے کہا کہ سبھی کو چاہیے کہ وہ بائک اسکوٹر یا کار، بس، ٹرک چلاتے وقت ہیلمٹ اور سیٹ بیلٹ کا استعمال ہر حال میں کرنا چاہیے تاکہ کہ تمام خطروں سے بچے رہیں۔

بھارت میں ہر سال تقریبا پانچ لاکھ روڈ ایکسیڈنٹ ہوتے ہیں جن میں ایک لاکھ سے زیادہ لوگوں کی دردناک موت ہو جاتی ہے۔

جبکہ لاکھوں کی تعداد میں لوگ زخمی یا زندگی بھر کے لیے اپاہج ہو جاتے ہیں۔

ان سب سے بچنے کا صرف ایک ہی راستہ ہے، سبھی اپنی ذمہ داریوں کو سمجھیں۔