گورکھپور: خواتین کے خلاف ملک میں بڑھتے جرائم اور اس پر قابو پانے کے لیے کی جانے والی کوششوں میں گورکھپور کی انجینئرنگ کی دو طالبات نے ایک شاندار کوشش کی ہے۔ انہوں نے ہاتھ کی انگوٹھی اور بریسلٹ میں فٹ ہونے والا ایسا سسٹم ڈیزائن کیا ہے جو وومن سیفٹی ایپ سے منسلک کرنے پر کسی بھی خطرے میں پھنسی خواتین یا بیٹیاں اپنے جاننے والے چار افراد کو جانکاری اور لوکیشن بھیج سکتی ہیں۔ Ring And Bracelet Alert System to Protect Daughters
آرٹیفیشل انٹیلی جنس میں بی ٹیک کرنے والے طالبات کی اس تحقیق کی کافی تعریف ہو رہی ہے۔ کالج انتظامیہ ان کی ٹیکنالوجی کو پیٹنٹ کرانے پر بھی غور کر رہی ہے۔ دراصل انسٹی ٹیوٹ آف ٹیکنالوجی اینڈ مینجمنٹ (آئی ٹی ایم) کالج کے بی ٹیک سال اول کی دو طالبات نے یہ سسٹم تیار کیا ہے۔ دونوں طالبات کا نام سنیہا اور اکشیتا ہے۔
دونوں نے اس ڈیوائس کے بارے میں بتایا کہ اسے انگوٹھی اور بریسلیٹ میں سیٹ کیا جائے گا اور کالج کی جانب سے تیار کردہ وومن سیفٹی ایپ سے منسلک کیا جائے گا۔ اس سسٹم میں چار ایمرجنسی نمبرز شامل کر سکتے ہیں۔ اس کے بعد کہیں بھی مشکل حالات میں انگوٹھی یا بریسلٹ پر لگے بٹن کو دو بار دبانے پر چاروں نمبر پر ایمرجنسی میسج اور کال جائے گی، جس سے مصیبت میں پھنسی خاتون یا لڑکی کا لوکیش پتا چل جائے گا۔ اس سے ایمرجنسی کی صورت میں خاتون کو تلاش کرنا بھی آسان ہوگا۔ bracelet alert system made to protect daughters