مظفر نگر: پولیس انکاؤنٹر میں انعامی بدمعاش گرفتار

ریاست اترپردیش کے ضلع مظفر نگر کے تھانہ جانسٹھ کے علاقہ تموڑا گاؤں میں پولیس انکاؤنٹر کے دوران 15 ہزار کے ایک انعامی بدمعاش کو گرفتار کیا ہے۔

مظفر نگر پولیس نے ملزم کا پیچھا کرتے ہوئے اس کے پیر میں گولی ماری جس کے سبب بدمعاش زخمی ہوکر وہیں گرپڑا اور پولیس نے اسے گرفتار کرلیا۔

ملزم کے قبضے سے طمنچہ برآمد

انکاؤنٹر میں میں گئوکشی کے انعامی بدمعاش ارشد ولد ہاشم مظفر نگر کو ایک غیر قانونی اسلحے سمیت پولیس نے کیا گرفتار کرنے کا دعویٰ کیا ہے۔ ملزم کے قبضے سے ایک طمنچہ 315 بور، ایک زندہ کارتوس اور ایک زندہ مویشی بھی برآمد کیا ہے۔

مذکورہ ملزم پر ماضی میں تھانہ ککرالی میں گئو کشی کے معاملے درج کیے گئے ہیں اور وہ اب تک پولیس کی پہنچ سے باہر تھا۔

فی الحال گرفتار انعامی بدمعاش کو علاج کے لیے ضلع اسپتال بھیج دیا گیا ہے اور پولیس گرفتار ملزم سے پوچھ گچھ کررہی ہے۔