میڈیکل سٹورز پر چھاپے ماری سے افراتفری

سہارنپور میں میڈیکل سٹورز پر ایس ڈی ایم کی قیادت میں چھاپے ماری کی گئی ہے، جس کی وجہ لوگوں افراتفری پیدا ہوگئی ہے۔

ریاست اترپردپش کے ضلع سہارنپور میں کوروناوائرس کے اس دور میں لاک ڈاؤن کے بعد کھلے بازاروں میں افسران روزانہ چھاپے ماری کررہے ہیں، اور لوگوں سے اصولوں پر عمل کرنے کی اپیل بھی کررہے ہیں۔

واضح رہے کہ ابھی تین روز قبل محکمہ فوڈ نے ایس ڈی ایم دیوبند کی قیادت میں مٹھائیوں کی دوکانوں پر چھاپے ماری کرتے ہوئے کچھ دوکانوں سے مٹھائی کے سیمپل لیے گئے تھے، جب کہ ڈی ایم اور ایس ایس پی نے بھی گزشتہ تین روز قبل دیوبند کے اپنے دورے کے دوران اصولوں پر عمل نہ کرنے پر کچھ دوکانداروں پر کارروائی بھی کی تھی۔

وہیں آج ایس ڈی ایم دیوبند کی قیادت میں ڈرگس انسپکٹر کے ذریعہ میڈیکل سٹورز کی چیکنگ کی گئی، ڈرگس محکمے کی جانب سے کی گئی چھاپے ماری سے میڈیکل سٹورز کے مالکان میں افراتفری مچ گئی اور وہ اپنے میڈیکل سٹورز کو بند کرکے اِدھر اُدھر ہوگئے۔

سہارنپور میں میڈیکل سٹورز پر ایس ڈی ایم کی قیادت میں چھاپے ماری کی گئی ہے، جس کی وجہ لوگوں افراتفری پیدا ہوگئی ہے

اس دوران ایم بی ڈی چوک پر کچھ میڈیکل سٹورز کو بے ضابطگیوں کی وجہ سے بند کرادیا گیا، اتنا ہی نہیں ٹیم نے مختلف بے ضابطگیوں کی وجہ سے شہر کے پانچ میڈیکل سٹور مالکان کی رپورٹ کا رروائی کے لیے ضلع مجسٹریٹ کو بھیج دی ہے۔

ٹیم نے سب سے پہلے ایم بی ڈی چوک پر واقع میڈیکل سٹورز کا معائنہ کیا، ٹیم نے پہلے سٹور مالکان سے ان کے لائسنس دکھانے کو کہا لیکن وہ لائسنس نہیں دکھا پائے، اتنا ہی نہیں میڈیکل سٹورز پر ڈسپلے بورڈ بھی چسپاں نہیں ملا، جب کہ کیش میمو کے بغیر سٹور مالکان دوائیاں فروخت کرتے ہوئے پائے گئے۔

ٹیم کو جانچ میں ایک لائسنس پر دوسرا شخص سٹور چلاتا ہوا ملا، جب کہ کووڈ-19کے تحت حکومت کے ہدایت پر عمل کرتے ہوئے کوئی بھی میڈیکل سٹور نہیں ملا۔

اس دوران ایس ڈی ایم دیویندر پانڈے نے بتایا کہ چھاپے کے دوران ملی بے ضابطگیوں کی رپورٹ ضلع مجسٹریٹ کو پیش کی جارہی ہے۔

انہوں نے بتایا کہ ضلع مجسٹریٹ کا حکم ہے کہ سبھی سامان کا کیش میمو بھی کاٹا جائے، لیکن کوئی بھی دوکاندار ان اصولوں پر عمل کرتا ہوا نہیں پایا گیا ہے، اس موقع پر سی او رجنیش اپادھیائے اور تھانہ انچارج وائی ڈی شرما مع فورس کے ساتھ موجود تھے۔