ایس آئی او کی جانب سے سیرت النبیﷺ کے موضوع پر کوئز کمپیٹیشن

شہر رامپور میں طلبہ تنظیم اسٹوڈنٹس اسلامک آرگنائزیشن آف انڈیا کی جانب سیرت کوئز کا انعقاد کیا گیا۔

ریاست اترپردیش کے رامپور میں سیرت النبیﷺ کے پیغام مبارک کو عام کرنے کے لئے ایس آئی او کے جانب سے منعقدہ اس کوئز کمپیٹیشن میں 8 سے 18 سال تک کی عمر کے طلبہ نے حصہ لیا۔

طلبہ و نوجوانوں کے درمیان اسلامی فکر کو عام کرنے والی طلبہ تنظیم ایس آئی او یعنی اسٹوڈنٹس اسلامک آرگنائزیشن آف انڈیا رامپور یونٹ کی جانب سے سیرت النبی مقابلوں کی سیریز کے دوران آج سیرت کوئز کمپیٹیشن کا انعقاد کیا گیا۔

سیرت النبی صلی اللہ علیہ وسلم کی تعلیمات کو سمجھنے کے لئے اس کوئز کمپیٹیشن میں 8 سے 18 سال تک کی عمر کے طلبہ نے حصہ لیا۔ جن کو عمر کے لحاظ سے دو گروپ بناکر سوال نامے دیے گئے۔

ایس آئی او کی جانب سے سیرت النبیﷺ کے موضوع پر کوئز کمپیٹیشن

قابل ذکر ہے کہ ہے ایس آئی او کی جانب سے سیرت کے موضوع پر مختلف مقابلوں کا اہتمام کیا جا رہا ہے۔ جس میں سیرت کوئز کمپیٹیشن، نعت مقابلہ، تقریری مقابلہ اور سیرت کے موضوع پر مضمون نگاری وغیرہ شامل ہیں۔

سیرت کوئز میں شامل طلبہ کا کہنا ہے کہ ان مقابلوں میں حصہ لینے سے ان کی معلومات میں کافی اضافہ ہوا ہے۔

سیرت کے ان تمام مقابلوں میں جو طلبہ اپنی بہتر کارکردگی پیش کریں گے ان کی حوصلہ افزائی کے لئے انہیں انعامات سے بھی نوازا جائے گا۔

بہرحال امید کی جا سکتی ہے کہ مسلم طلبہ و نوجواں کو سیرت النبی سے روشناس کرانے میں یہ سیرت مقابلے کافی کارگر ثابت ہونگے۔