کانگریس کے سابق رکن پارلیمان اور پارٹی کے قومی ترجمان پی ایل پنیا نے اس معاملے میں کہا ہے کہ بی جے پی کے لوگ جھوٹ بولنے کے عادی ہیں۔ ان کا حقیقت سے کوئی لینا دینا نہیں ہے۔
اتر پردیش کے بارہ بنکی میں ای ٹی وی بھارت کے سوال پر پنیا نے کہا کہ وہ پنجاب حکومت سے خود رابطہ کر سکتی ہیں۔
پرینکا گاندھی کسی بھی معاملے میں کسی ریاستی حکومت سے کیوں گفتگو کریں گی۔ انہوں نے مزید کہا کہ بی جے پی کی ہمیشہ یہی منصوبہ بندی رہتی ہے کہ وہ کانگریس کو بدنام کرے۔
انہوں نے کہا کہ وہ مسلسل اس قسم کی کوششیں کرتے رہیں گے، لیکن اس سے کوئی فرق پڑنے والا نہیں ہے۔ انہوں نے کہا کہ وزیراعظم اور بی جے پی کے لوگ جھوٹ بولنے کے عادی ہو گئے ہیں۔ لیکن اس حقیقت میں بدلاؤ نہیں ہو سکتا۔
واضح رہے کہ الکا رائے بی جے پی رکن اسمبلی ہیں اور مختار انصاری الکا رائے کے شوہر کے قتل میں ملزم تھے۔ عدالت انہیں اس معاملے سے بری کر چکی ہے۔ اس کے باجود الکا رائے متعدد دفعہ پرینکا گاندھی کو خط لکھ کر پنجاب حکومت پر مختار انصاری کو بچانے کا الزام عائد کر چکی ہیں۔
اور پنجاب حکومت پر انہیں بچانے کا الزام عائید کرتی رہتی ہیں۔