مرادآباد: حکومت کے خلاف کسانوں کا احتجاج

کسانوں کا کہنا ہے کہ کئی مہینوں سے کسان تین زرعی قوانین کو واپس لینے کا مطالبہ کر رہے ہیں، آخر کار حکومت اس کو واپس کیوں نہیں لیتی؟ انہوں نے میمورنڈم میں مطالبہ کیا ہے کہ لکھیم پور کھیری معاملے میں بی جے پی کے وزیر کو برخاست کیا جائے۔

ریاست اتر پردیش کے مرادآباد ڈی ایم دفتر کے باہر آل انڈیا کسان کھیت مزدور سوسائٹی کے زیر اہتمام کسانوں نے احتجاج کیا۔ احتجاج کے دوران کسانوں نے ڈی ایم کے ذریعہ صدر جمہوریہ کو ایک میمورنڈم بھیج کر مطالبہ کیا کہ کسانوں کو سستے دروں پر بجلی مہیّا کرائی جائے۔

کسانوں کا کہنا ہے کہ کئی مہینوں سے کسان تین زرعی قوانین کو واپس لینے کا مطالبہ کر رہے ہیں، آخر کار حکومت اس کو واپس کیوں نہیں لیتی؟ انہوں نے میمورنڈم میں مطالبہ کیا ہے کہ لکھیم پور کھیری معاملے میں بی جے پی کے وزیر کو برخاست کیا جائے۔

اس موقع پر محمد غوری نے کہا کہ بھارتیہ جنتا پارٹی کی حکومت سے عوام پریشان ہو چکی ہے۔ دن بہ دن پیٹرول، ڈیزل اور گیس کے بڑھتے داموں سے عوام پریشان ہے۔ لیکن اس حکومت کو عوام کی پریشانیوں سے کوئی لینا دینا نہیں۔

انہوں نے کہا کہ ملازمت دینے کے بجائے لوگوں کو ملازمت سے نکالا جا رہا ہے۔ ریلوے سے لیکر ایئر پورٹ کو پرائویٹ کیا جارہا ہے۔ دن بہ دن کرائم بڑھ رہا ہے۔ اتر پردیش میں ملزمان کے حوصلے بلند ہیں۔ اگر بھارتیہ جنتا پارٹی کی حکومت کو مرکز اور صوبوں سے نہیں ہٹایا گیا تو ملک کے حالات بدترین ہو جائیں گے۔