'افسران کو ہٹانے سے متاثرہ کنبہ کے زخم نہیں بھریں گے'

پرینکا گاندھی نے ٹوئٹ کرتے ہوئے کہا کہ یوگی آدتیہ ناتھ جی کچھ افسران کو معطل کرنے سے کیا ہوگا، ہاتھرس کی متاثرہ، اس کے کنبہ کو سخت تکلیف کس کے حکم پر دی گئی، ہاتھرس کے ڈی ایم، ایس پی کے فون ریکارڈ عام کئے جائیں۔

اترپردیش میں ہاتھرس کے پولیس سپرنٹنڈنٹ سمیت پانچ پولیس اہلکاروں کی معطلی کے یوگی حکومت کے فیصلے پر ردعمل کا اظہار کرتے ہوئے کانگریس کی جنرل سکریٹری پرینکا گاندھی واڈرا نے کہا کہ کچھ مہروں کو ہٹانے سے متاثرہ کے کنبہ کے لوگو ں کے زخم نہیں بھریں گے۔

پرینکا گاندھی

پرینکا گاندھی نے ٹوئٹ کرتے ہوئے کہا کہ یوگی آدتیہ ناتھ جی کچھ مہروں کو معطل کرنے سے کیا ہوگا، ہاتھرس کی متاثرہ، اس کے کنبہ کو سخت تکلیف کس کے حکم پر دی گئی، ہاتھرس کے ڈی ایم، ایس پی کے فون ریکارڈ عام کئے جائیں۔ وزیراعلی اپنی ذمہ دار سے ہٹنے کی کوشش نہ کریں، ملک دیکھ رہا ہے، یوگی آدتیہ ناتھ استعفی دو۔

اس سے پہلے سماج وادی پارٹی کے صدر اکھیلیش یادو نے بھی ہاتھرس کے ڈی ایم ایس پی کو ہٹائے جانے کا امکان ظاہر کیا تھا۔

اکھیلیش یادو نے جمعہ کی شام ٹوئٹ کیا تھا کہ ہاتھرس معاملہ میں عوامی غصہ سے خوفزدہ بی جے پی اپنی حرکت کو چھپانے کیلئے ڈی ایم، ایس پی کو ہٹا سکتی ہے۔ ایس پی کی مانگ ہے کہ ان پر ایف آئی آر ہو جس سے یہ سچ بتائیں کہ انہوں نے کس کے دباو میں ایسا کیا۔