پرینکا گاندھی کی مایاوتی پر تنقید

کانگریس کی جنرل سکریٹری پرینکا گاندھی نے منگل کے روز بہوجن سماج پارٹی (بی ایس پی) کی سپریمو مایاوتی کا نام لئے بغیر انھیں نشانہ بنایا اور انہیں ایک بار پھر سے بھارتیہ جنتا پارٹی (بی جے پی) کی غیر اعلانیہ ترجمان قرار دیتے ہوئے کہا کہ وہ آئین کا قتل کرنے والوں کی مدد کررہی ہیں۔

پرینکا گاندھی نے کہا کہ 'بی جے پی کی غیر اعلانیہ ترجمانی کرنے والوں نے بی جے پی کو مدد کی وہپ جاری کی ہے۔ لیکن یہ جمہوریت اور آئین کا قتل والوں کے لئے صرف ایک وہپ ہی نہیں بلکہ کلین چٹ بھی ہے'۔

کانگریس کی جنرل سکریٹری نے مایاوتی کے اپنے چھ سابق ممبران اسمبلی جنہوں نے گزشتہ سال راجستھان میں پارٹی چھوڑ کر کانگریس میں شمولیت اختیار کی تھی، ان کو اعتماد کا ووٹ حاصل کرنے کے دوران وزیر اعلی اشوک گہلوت کی حکومت کے خلاف ووٹ دینے کے لیے وہپ جاری کرنے پر یہ ردعمل ظاہر کیا ہے۔

اترپردیش کے کانگریس انچارج نے اس سے قبل مایاوتی اور سماج وادی پارٹی کے لیڈر اکھلیش یادو کا نام لئے بغیر انہیں نشانہ بنایا تھا اور انہیں بی جے پی کا غیر اعلانیہ ترجمان قرار دیا تھا۔