کورونا وائرس: جھانسی جیل میں بند قیدی رہا ہوں گے

کورونا وائرس کو پھیلنے سے روکنے کے لیے اترپردیش کے ضلع جھانسی جیل میں بند قیدیوں کو نجی بانڈ پر رہا کیا جائے گا۔

ریاست اترپردیش کے ضلع جهانسی ڈویژن کے کمشنر سبھاش چندر شرما نے بتایا کہ جهانسی شہر اور اس کے آس پاس کے دوسرے شہروں کے قیدیوں کو بھی ذاتی مچلکے کے ساتھ پیرول پر رہا کیا جائے گا اور انہیں جیل سے ان کے گھر منتقل کیا جائے گا۔

معلومات کے مطابق وہ تمام قیدی جو 7 برس سے کم قید کی سزا کاٹ رہے ہیں، جھانسی شہر اور ساتھ ہی قریب کے دوسرے شہروں سے ہیں انہیں رہا کیا جائے گا۔

ضلعی انتظامیہ اور پولیس انتظامیہ نے جیل انتظامیہ کو جیل پہنچنے کے بعد قیدیوں کی رہائی کے حوالے سے ہدایات بھی دیں۔