ریاست اترپردیش کے ضلع مرادآباد سے سماج وادی پارٹی کے رکن پارلیمان ڈاکٹر ایس ٹی حسن نے ای ٹی وی بھارت اردو سے بات کرتے ہوئے کہا کہ 'ملک کے وزیراعظم نریندر مودی نے اپنے بیان میں کہا کہ چین کی فوج نہ ہی ہمارے ملک کی سرحد میں ہے اور نہ ہی ان کا ہمارے ملک کی کسی بھی چیز پر قبضہ ہے۔'
وزیراعظم کی باتیں سمجھ سے بالاتر: ایس ٹی حسن
مرادآباد کے رکن پارلیمان ایس ٹی حسن نے چینی مسئلے پر وزیر اعظم کے دیے ہوئے بیان پر اپنا رد عمل پیش کیا ہے۔ ان کا کہنا ہے کہ وزیر اعظم کی باتیں سمجھ سے پرے ہیں۔
ڈاکٹر ایس ٹی حسن نے کہا کہ 'میں پوچھنا چاہتا ہوں آخر کار ہمارے فوجی مارے کہاں گئے، کیا ہمارے فوجی چین کی سرحد میں گئے تھے یا ہماری سرحد میں چین کی فوج آئی تھی تب مارے گئے۔ چین نے آج ہمارے ملک کے دس فوجیوں کو رہا کیا ہے آخر کار چینی ہمارے فوجیوں کو کہاں سے پکڑ کر لے گئے تھے؟'
سماج وادی پارٹی کے رکن پارلیمان ڈاکٹر ایس ٹی حسن نے آگے بولتے ہوئے کہا کہ 'وزیراعظم نریندر مودی کو اس طرح کی باتیں شوبھا نہیں دیتی ہیں جو کسی کی سمجھ میں نہیں آئے اور سر کے اوپر سے ہو کر گزر جائے۔'