ملک میں لاک ڈاؤن اور کورونا وائرس کے پیش نظر جہاں كروڑوں لوگوں کی ملازمت چلی گئی ہے۔ وہیں، دوسری طرف ملک کے اقتصادی حالات بھی کمزور ہوتے جا ر ہے ہیں۔ جس کی وجہ سے اب عوام کو مہنگائی کی مار سے بھی دو چار ہونا پڑ رہا ہے۔
ریاست اترپردیش کے ضلع میرٹھ میں بھی ضروری اشیاء کی قیمتوں میں اضافہ ہونے سے اب اس کا سیدھا اثر عوام کی جیب پر پڑ رہا ہے۔
میرٹھ کی سبزی منڈیوں میں آلو، پیاز کے علاوہ اور دوسری سبزیوں کی قیمتیں آسمان چھو رہی ہیں۔ جس کی وجہ سے عوام كو کافی دقتوں کا سامنا کرنا پڑ رہا ہے۔
كورونا وائرس کے سبب ملک کی معاشی صورتحال کمزور ہونے سے اس کا سیدھا اثر ملک کی عوام پر پڑنا لازمی ہے۔ ایسے حالات میں ایک طرف جہاں ذمہ دار لوگ حکومت سے گہار لگا رہے ہیں۔ وہیں جانكار لوگوں کا کہنا ہے کہ ملک اس وقت اقتصادی کے دور سے گزر رہا ہے اور آنے والے دنوں میں منہگائی کے بڑھنے کا اندیشہ بھی ظاہر کر رہے ہیں۔
ملک میں كورونا وائرس سے احتیاط کے طور پر نافذ کیے گئے لاک ڈاؤن نے اب عوام کے سامنے دو قسم کی مشکلات پیش کر دی ہیں، ایک طرف جہاں عوام کو اب كورونا سے لڑنا ہے وہیں دوسری جانب منہگائی کی مار سے بھی دو چار ہونا ہے۔
