صدر جمہوریہ رام ناتھ کووند آج دہلی سے ٹرین کے ذریعہ پہلے جھنجک اسٹیشن پہنچے، جہاں انہوں نے لوگوں سے ملاقات کی، اس کے بعد رورا اسٹیشن پر چند تاجروں اور اپنے دوستوں سے ملاقات کی، بعد ازاں صدر جمہوریہ کی ٹرین کانپور اسٹیشن کے پلیٹ فام نمبر ایک پر پہنچی جہاں ان کے استقبال میں اترپردیش کی گورنر انندی بین پٹیل اور وزیراعلی یوگی ادتیہ ناتھ موجود تھے۔
ضلع انتظامیہ نے صدر جمہوریہ کے کانپور پہنچنے سے قبل تیاریاں مکمل کر لی تھیں، صدر جمہوریہ جمعہ کو کانپور کینٹ میں واقع سرکٹ ہاوس میں آرام کریں گے، 26 جون بروز جمعہ کو صدر جموریہ سماجی کارکنان اور بی جے پی کے کچھ سرکردہ رہنماوں کے علاوہ تاجروں سے بھی ملاقات کریں گے، اس کے بعد صدر جموریہ 27 جون کو اپنے آبائی گاوں جائیں گے۔
صدر جموریہ اپنے اہل خانہ سے ملاقات کرنے کے بعد 27 جون کو پوکھرایاں گاوں جائیں گے اور وہاں سے 27 جون کی شام کو دوبارہ کانپور شہر کے سرکٹ ہاوس واپس آئیں گے، جہاں سے 28 جون کی صبح 10:00 بجے صدارتی ٹرین کے ذریعے لکھنؤ کے لئے روانہ ہوں گے۔