سنبھل: شب قدر پر کورونا کے خاتمے کے لیے دعا

رمضان المبارک کی تمام راتوں میں شب قدر کے کئی فضائل بیان کیے گئے ہیں۔ ضلع سنبھل میں رمضان کے آخری عشرے کی طاق راتوں میں مسلمان اپنے اپنے گھر سے کورونا وائرس کے خاتمے کے لیے خصوصی دعائیں کر رہے ہیں۔

علمائے کرام نے بتایا کہ 'شب قدر کو ہزار راتوں سے افضل سمجھا جاتا ہے، اس رات کی عبادت کا ثواب بھی عام دنوں میں کی گئی عبادات سے ہزار گنا ذیادہ ہوتا ہے۔'

رمضان کی طاق راتوں میں مسلمان پوری رات جاگ کر عبادت کر رہے ہیں اور اپنے گناہوں کی معافی مانگی۔ اس موقع پر چھوٹے بچوں نے بھی کورونا کے خاتمے کے لیے دعا مانگی۔

لاک ڈاؤن کی وجہ سے شب قدر کی عبادت گھروں میں ہی ادا کی جارہی ہے۔ اس سے بچوں میں بھی نمازوں کی طرف دلچسپی بڑھتی ہوئی نظر آئی۔