میرٹھ: اعظم خان کی جلد صحت یابی کے لیے خصوصی دعا

سماجوادی پارٹی کے سینیئر لیڈر اعظم خان کی صحت یابی کے لیے میرٹھ میں ایس پی کارکنان نے خاص دعا کا اہتمام کیا جس میں پارٹی کے تمام کارکنان نے شرکت کرکے ان کی جلد صحت یابی کے علاوہ ان پر لگائے گئے تمام مقدمات سے بری کرانے کی بھی دعا کی۔

سماجوادی پارٹی کے سینیئر لیڈر اعظم خان کی طبیعت ایک بار پھر سے ناساز بتائی جارہی ہے اور ان کے بہتر علاج کے لئے سپریم کورٹ کے حکم کے بعد اب ان کو علاج کے لئے دہلی شفٹ کردیا گیا ہے۔

میرٹھ میں سماجوادی پارٹی کے کارپوریٹرس، لیڈرس اور پارٹی کے تمام کارکنان نے اعظم خان کی جلد صحت یابی کو لیکر دعا کرائی۔ ساتھ ہی ان کے اوپر لگائے گئے تمام فرضی مقدمات سے بری ہونے کے علاوہ 2022 اسمبلی انتخابات ان کی قیادت میں لڑنے کی بات بھی کہی گئی۔

وہیں محمد اعظم خان کی صحت ایک بار پھر سے خراب ہونے پر ان کو جیل سے علاج کے لیے دہلی روانہ کیا گیا۔ پارٹی کارکنان اعظم خان کی صحت کو لیکر ایک بار پھر سے فکرمند دکھائی دے رہے ہیں اور یہی وجہ ہے کہ ایک طرف جہاں ان کی رہائی کی مانگ کی جارہی ہے۔ وہیں دوسری جانب اب ان کی صحت یابی کی دعائیں بھی کی جارہی ہیں۔