ریلی میں پارٹی کے رہنما شیو پال سنگھ نے ہندو اور مسلمانوں کے درمیان آپسی اتحاد اور بھائی چارہ قائم کرنے پر زور دیتے ہوئے کہا کہ موجودہ حکومت ان دونوں مذاہب کے بیچ نفرت کا ماحول پیدا کرنے کی کوشش کر رہی ہے جس کو ہم کبھی پورا نہیں ہونے دیں گے۔
میرٹھ کے سردھنہ تحصیل کے ہررا گاؤں میں آج ہندو-مسلم سوہارد ریلی کا اہتمام کیا گیا۔ اس موقع پر ہزاروں کی تعداد میں سبھی مذاہب کے لوگوں نے شرکت کی۔
ریلی سے خطاب کرتے ہوئے شیو پال سنگھ نے کہا کہ گجراتی بہت جھوٹے ہوتے ہیں۔ ان کی باتوں پر کبھی یقین مت کرنا۔ ساتھ ہی کسان تحریک کو ہر ممکن مدد دینے کی بات کرتے ہوئے 2022 کے اسمبلی انتخابات میں محاذ بنانے کی بھی بات کہی۔
قومی یکجہتی کو مضبوط کرنے کے مقصد سے بلائی گئی اس ریلی میں دونوں مذاہب کے درمیان تعلقات کو مزبوط بنانے کی بات پر زور دیا گیا۔
اسی کے ساتھ کانفرنس کے ذریعہ پارٹی نے اپنی طاقت کا مظاہرہ ہے تاکہ مستقبل میں ہونے والے اسمبلی انتخابات میں وہ مضبوطی کے ساتھ اپنی دعویداری پیش کر سکے۔