راشن سے متعلق محکمہ سپلائی افسران کی منادی

ریاست اترپردیش کے ضلع گوتم بودھ نگر میں محکمہ سپلائی کے افسران راشن پورٹیبلٹی اسکیم کے لیے تشہیرکررہے ہیں۔

اتر پردیش حکومت نے قومی فوڈ سیکورٹی ایکٹ اسکیم کے تحت شہری علاقوں میں اب مستحقین کو کسی بھی راشن دکان سے راشن حاصل کرنے کی سہولیات فراہم کرائی ہے۔

اس سہولت کی مدد سے راشن کارڈ ہولڈر اپنی ضرورت کے حساب سے پورا راشن ایک بار میں حاصل کرسکتا ہے۔

واضح رہے کہ راشن پورٹیبلٹی اسکیم میں ادھار کارڈ سے لنک ہونا ضروری ہے، جس کے تحت خاندان کے ایک فرد کے آدھار کارڈ سے راشن کارڈ کا لنک ہونا ضروری ہے۔

ڈسٹرکٹ مجسٹریٹ بی این سنگھ کی ہدایت پر ضلع سپلائی افسر اور ان کے معاونین منادی کے ذریعے تشہیر کر رہے ہیں، تاکہ لوگ اپنے حقوق سے محروم نہ رہ سکیں ۔