' اقتدار کی بھوکی بی جے پی کی پالیسیاں غریب اور کسانوں کے خلاف'

کانگریس کی جنرل سکریٹری پرینکا گاندھی واڈرا نے کہا کہ بی جے پی کی پالیسیاں کسانوں، نوجوانوں اور غریبوں کے خلاف ہیں۔ بی جے پی کو کسی بھی طرح اقتدار چاہئے چاہے کوئی بھی معیار اپنانا پڑے۔

ضلع میں کشی نگر سیٹ کے لئے کانگریس امیدوار آر پی این سنگھ کی تشہیر کرنے آئیں محترمہ واڈرا نے كسیرا ٹولی تراها پر منعقد جلسہ عام سے کہا کہ وزیر اعظم نریندر مودی کا کہنا ہے کہ مرکز کی حکومت مضبوط ہے لیکن حقیقت تو یہ ہے کہ یہ مغرورحکومت ہے۔

انہوں نے کہا "ریاست میں 25 برسوں سے دوسری پارٹیوں کی حکومت ہے۔ میں گاؤں گاؤں جاتی ہوں جہاں ترقی کی حقیقت پتہ چل رہی ہے۔ بی جے پی کے سبھی دعوے اور منصوبے کھوکھلے نظر آرہے ہیں۔ جب مرکز اور ریاست میں ایک ہی پارٹی کی حکومت رہتی ہے تو ترقی ہوتی ہے لیکن یہاں کوئی ترقی نہیں ہوئی۔

واڈرا نے کہا کہ بی جے پی کا دعوی تھا کہ کسانوں کی آمدنی دوگنی ہوگی لیکن کچھ نہیں ہوا۔ گنا کسان بدحال ہیں۔ کسان بیمہ یوجنا سے کسانوں کو نہیں بلکہ مودی کے صنعت کار دوستوں کا فائدہ ہوا ہے۔