مئو: لاک ڈاؤن کی خلاف ورزی کرنے والوں پر کاروائی

ریاست اترپردیش کے ضلع مئو میں کورونا وائرس کو روکنے کے لیے قومی لاک ڈاؤن کے اعلان کے سڑکوں پر غیر ضروری گھومنے والوں پر پولس فورس قدغن لگا رہی ہے۔

قومی لاک ڈاؤن کے بعد اترپردیش کے ضلع مئو میں پولیس بے حد احتیاط برت رہی ہے۔ سڑکوں پر غیر ضروری گھومنے والوں پر قدغن لگانے کا عمل جاری ہے۔ جگہ جگہ پولیس افسران کی موجودگی میں کاروائی کی جارہی ہے۔ سڑکوں پر بلا وجہ بائک لے کر آنے والوں کو سخت ہدایت کے بعد واپس لوٹایا جا رہا ہے۔

مئو میں لاک ڈاؤن کے بیچ گھومنے والوں پر پولیس کی کاروائی

افسران کا کہنا ہے کہ کورونا وائرس کو پھیلنے سے روکنے کے لیے سخت سے سخت اقدامات کیے جا رہے ہیں۔ جو لوگ کسی واجب وجہ کے بغیر سڑکوں پر آئیں گے ان کے خلاف قانونی کاروائی کی جائے گی۔ پولیس کے جوان سڑکوں پر زیادہ تعداد میں لوگوں کو آنے سے روک رہے ہیں۔