بنارس میں مکمل لاک ڈاؤن، اعلیٰ پولیس افسران سڑک پر

ریاست اترپردیش میں سرکاری حکمنامے کے تحت سبھی اضلاع میں 31 جولائی تک ہر سنیچر اور اتوار کو لاک ڈاؤن کا نفاذ کیا جارہا ہے، اسی کے پیش نظر آج بنارس میں پوری طرح لاک ڈاؤن نافذ رہا۔

لاک ڈاؤن پر عمل کرانے کے لئے نہ صرف پولیس اہلکار بلکہ پولیس کے اعلیٰ افسران بھی روڈ پر نظر آئے۔ لاک ڈاؤن کے خلاف ورزی کرنے والوں پر پولیس افسران نے کاروائی کرتے ہوئے چالان کاٹا اور بیشتر افراد کو کو سمجھا بجھا کر گھر واپس کیا۔

اس دوران کئی افراد پر لاک ڈاؤن کی خلاف ورزی کرنے پر مقدمہ بھی درج کیا گیا اور کئی لوگوں کو حراست میں بھی لیا گیا۔

وزیر اعظم نریندر مودی کے پارلیمانی حلقہ بنارس میں اس دوران کورونا وائرس کے کیسز میں بے تحاشہ اضافہ ہو رہا ہے، آئے دن 50 سے زائد کیسز سامنے آرہے ہیں جس پر ضلع انتظامیہ پوری طرح مستعد نظر آرہی ہے۔ شہری بھی تشویش میں مبتلا ہیں۔

بنارس میں لاک ڈاؤن

آپ کو بتا دیں کی بنارس میں آج 118 کورونا وائرس سے متاثر مریضوں کی تصدیق ہوئی ہے، جس میں 513 افراد صحتیاب ہوچکے ہیں اور 31 افراد ہلاک ہوچکے ہیں۔